Akademiýanyň täzelikleri

«Ýaşyl Zemin – abadan durmuş» atly halkara onlaýn döredijilik bäsleşigi geçirildi

2025-nji «Halkara parahatçylyk we ynanyşmak ýyly» diýip atlandyrylmagy we Türkmenistanyň hemişelik Bitaraplygymyzyň 30 ýyllygy mynasybetli Türkmen döwlet medeniýet institutynyň gurnamagynda ýokary okuw mekdepleriniň talyplarynyň gatnaşmaklarynda ýaş fotožurnalistleriň «Ýaşyl Zemin – abadan durmuş» atly halkara onlaýn döredijilik bäsleşigi geçirildi. Bu bäsleşikde Türkmenistanyň Döwlet çeperçilik akademiýasynyň «Amaly-haşam sungaty» kafedrasynyň 6-njy ýyl talyby Bahar Bakyýewa II oruna mynasyp bolup, hormat haty hem-de «Binagärlik» kafedrasynyň 5-nji ýyl talyby Arslan Gurbanweliýew minnetdarlyk haty bilen sylaglandylar.