Niderlandlar Patyşalygynyň Kronenberg şäherinde ahalteke bedewleri bilen bagly dabaralar geçirilýär
Niderlandlar Patyşalygynda ahalteke atlaryanyň gözelligini, tohum aýratynlyklaryny we atçylyk sport ugry boýunça açyp görkezýän halkara derejeli çärelere badalga berildi. 2026-njy ýylyň 4-6-njy sentýabrynda Niderlandlar Patyşalygynyň Kronenberg şäheriniň «Pilbergen» atçylyk-sport toplumynda ahalteke bedewleriniň dünýä çempionaty we gözellik bäsleşigi geçirilýär. Bu çäre «Türkmen atlary» döwlet birleşigi bilen Ýewropanyň Ahalteke atçylyk assosiasiýasynyň hyzmatdaşlygynda guralýar. Bäsleşigiň esasy maksady – dünýäde meşhur bolan ahalteke bedewleriniň ajaýyp gözelligini, çydamlylygyny, ýyndamlylygyny we gadymy türkmen seýisçilik däplerini dünýä jemgyýetçiligine tanatmak. Kronenberg çäreleriniň çäginde yglan edilen döredijilik bäsleşigine Türkmenistanyň tanymal sungat işgärleri, şeýle-de talyplar hem-de daşary ýurtlardan işlerini hödürlän wekiller gatnaşýar. Ýurdumyzyň suratkeşleriň nakgaşçylyk, heýkeltaraşlyk, zergärçilik, haly eserlerinde, fotosuratlarda türkmen halkynyň behişdi bedewlere bolan buýsanjy sungatyň dilinde çuňňur beýan edilýär.Çärede atçylyk-sport ýaryşlary, ahalteke atlarynyň gözellik bäsleşigi, ylmy-amaly maslahaty we türkmen medeniýetini açyp görkezýän sergileri geçirmegi göz öňünde tutuldy. Ahalteke bedewleriniň bu ýurtda geçirilýän halkara çärelerde çykyş etmegi türkmen atçylygynyň abraýyny has-da ýokarlandyrýar. Niderlandlar Patyşalygyndaky ahalteke bedewlerimiziň şanyna geçiriljek dabaralar dünýäni haýrana goýýar.
Bäsleşige gatnaşyjylaryň hemmesine iň gowy netijäni görkezmegini, üstünlikli gatnaşmagyny tüýs ýürekden arzuw edýäris!
