Akademiýanyň täzelikleri

Türkmenistanyň Halk Maslahaty – milli döwletliligiň dabaralanmasy

2025-nji ýylyň 3-nji sentýabrynda Türkmenistanyň Döwlet çeperçilik akademiýasynda mugallymlaryň gatnaşmaklarynda Türkmenistanyň Halk Maslahatynyň taryhy ähmiýetine hem-de Arkadagly Gahryman Serdarymyzyň we Milli Liderimiziň şäherlerimizi we obalarymyzy ösdürmek ugrunda alyp barýan nusgalyk işlerine bagyşlanan “Türkmenistanyň Halk Maslahaty – milli döwletliligiň dabaralanmasy” atly tegelek stoluň başynda söhbetdeşlik geçirildi. Söhbetdeşlikde Garaşsyz, baky Bitarap döwletimiziň bu günki gün dünýä ýüzünde ýeten belent derejeleri, gazanan uly ösüşleri peder pentlerine ygrarly halkymyzyň ýaşaýyş ýörelgesine öwrülip giden agzybirligi bilen aýrylmaz baglanyşyklygy barada giňişleýin çykyşlar ýerine ýetirildi.